題:
中四選科的問題
Matthew
2006-10-14 19:21:56 UTC
我間學校係中一至中三用母語，而中四以上４班英文１班母語，英文理科，母語的文科。
而家我全級考１５名，照計應該入邊班都冇問題！但係我驚我而家先讀英文會讀唔上。
我的老師叫我揀A-math，但係我覺得好難，唔知點算........

我文理都想入，理就BIO同PHY，文就GEOG同中史，但係我D同學話揀文科會冇出路？
七 答案:
?
2006-10-14 19:46:15 UTC
我就唔認同以上某d 人ge 睇法 ....

我而家讀緊中七....

我中五 ge 時候係讀文科 ge ...

首先講左A.maths 先....

的而且確 A.maths比較上係難少少 .....但一定無你想像中咁難.....

只要肯操.....攞C 甚至乎A 都唔係一件難事....

因為我識唔少人都係 A.maths 攞A ge.....

對maths 有無幫助.....其實作用不大....

因為出卷員出 ge 問題唔會俾你有機會用A.maths ge 式去答.....

其實你而家升中四 .... 文科理科都唔係咁重要 .....

老土d講 .... 文科記野多......理科用腦多 .....

對你出路有最大影響 ge 只係預科.....

當然....如果你而家有左明確 ge 目標 ....第時想做醫生 ge .....

你當然要揀理科.......

如果你而家都未有目標 ge ..... 你可以跟自己 ge 興趣揀.....

唔鍾意背書 ge .....咪讀理科lor.....

但係我要重申..... 文科並唔係無出路 .....

老師、記者、商界人士、心理學家、律師等.....有唔少都係讀文科出身ga~
?
2006-10-14 20:24:50 UTC
贈你一言: (你喜歡的便做 , 你不精的更加要做,這便是你的出路)
?
2006-10-14 19:47:37 UTC
我相信不論文科或理科都有出路, 因路是由你行出來的, 照我所知許多事業有成的行政人員都是讀文科的, 所以在選科前先計劃一下自己的將來發展及個人興趣 !



若你對A-math有興趣, 也可考慮, 其實讀數學的要訣很簡單, 先清楚其概念, 因為數學是一系列的羅輯, 了解後再多加練習, 你會感到很有興趣 !
Sin Tung
2006-10-14 19:36:17 UTC
我今年中七，要面對揀大學學科的問題，所以你既問題，我可以話會好明白。

我本身是讀文科，話無出路就唔係咁o岩，只係讀理科會更有出路。

因為到左大學，有好多系，係唔會收文科生(如Phy、Chem之類)；但係文科生可以揀既學系，理科生都同樣揀得，因此，相比下，理科生既出路就多好多喇。



另外，你話你三年初中都係用中文，英文程度一定會同英文中學既果d比會差d，而文科就好須要你英文好，雖然你只想讀Geog，但就已經夠考起你喇。

理科就唔會咁重視英文能力，有point就有分，易有分好多。上到中六、中七，呢個文理科對英文能力的重視會較大的分歧添。



用中文考、同人地用英文考，用母語表達點都好過用英文講，用英文好多時可能會詞不達意，本來你答o岩，但可能表達唔到而無分。



所以，我都幾贊成你去讀理科。

我有得揀過，我都想讀理科。
?
2006-10-14 19:30:43 UTC
揀理科啦

英文唔得架話.....你惟有趁而家惡補一下，唔好睇D好深既書...作用不大

相反，你應該睇D英文報紙入面既附錄，例如SCMP既young post..程度較淺，又易學到野

理科既subjects..其實讀落去就覺得okay..Amaths同maths有D相似既地方...所以讀Amaths某程度上幫度你maths好大忙....相反讀文科既maths就未必搞得好....

所以你既水平我建議你揀理科啦...語文問題就靠你努力啦!!^^
shusn kai
2006-10-14 19:29:22 UTC
文科唔會冇出路...係如果你讀大學既話 可以選讀既野就比較少.......
?
2006-10-14 19:26:45 UTC
你入理科最好(仲有你但係我D同學話揀文科會冇出路係一定架)


ⓘ
此內容最初發佈在 Y! Answers 上，這是一個於 2021 年關閉的問答網站
Loading...